ЗК Пелагонија ќе склучи зделка со Здравје Радово вредна 299 милиони денари

На претстојното Акционерско собрание на ЗК Пелагонија кое ќе се одржи на 3 февруари ќе се гласа и за склучување на  зделка со заинтересирана страна помеѓу Комбинатот и Друштвото за производство Млекара Здравје Радово ДОО увоз-извоз Радово Босилово, која се однесува на деловното работење во 2016 година, што претставува купопродажба на стоки (сурово млеко и други производи на двете договорни страни), авансни плаќања при купопродажни договори, одобрување и задолжување со позајмици со каматни стапки до висината на каматните стапки на деловните банки, информира ЗК Пелагонија преку Македонската берза.

Вкупната вредност на зделката е во висина до 299.000.000 денари, и претставува 9,63% од активата на имотот на Друштвото определена во последните ревидирани финансиски извештаи на Друштвото, информираат од ЗК Пелагонија.