Секоја година се поголем интерес за субвенции во земјоделството

Расте бројот на земјоделски стопанства и апликанти кои бараат субвенции. Секоја година бројот на апликации се зголемува за 2 до 3 илјади информираат надлежните, што говори дека поддршката од државата се повеќе го заживува македонскиот аграр. Лани имало над 85.000 барања, а годинава се очекува уште поголем број.

Оваа година земјоделците ќе можат и електронски да аплицираат, со што значително ќе се намалат турканиците во периодот на пријавувањето.

Програмата за земјоделство веќе стапи на сила, а на располагање за исплата има 101 милион евра.