Малешевскиот компир и кочанскиот ориз останаа во амбарите

Земјоделците се незадоволни од откупната цена која им ја нудат трговците и фабриките за преработка на ориз. Во малешевијата компирот се продава по цена од 8 до 10 денари, а легалните откупни центри и по Нова Година не ги отворија вратите.

Откупувачите бараат да се стави ред во производството, откупот, но и добивањето на субвенциите за производство на компир.

Иако нема пад на цената на кочанскиот ориз, таа и понатаму се движи од 40 до 45 денари за килограм, оризопроизводителите сметаат дека подобро е во моментов да си го чуваат оризот, отколку да го продадат.

Подобра откупна цена оризопроизводителите очекуваат во март, кога ќе се потрошат залихите од ориз во фабриките за преработка.