Исхрана
Кога е во прашање исхраната на зајакот, тие ја јадат секоја врста на житарки, но јачменот, зоб и нешто помалку пченка, најмногу се препорачува да им се дава. Од трева смеат да јадат само сушена трева, најмногу сено, а никако свежа трева бидејќи од неа добиваат пролив, исто важи и за зелката која е најдобро никако да не се дава.
Зајакот не смее да се храни со неограничена количина на храна. Таа треба да се ограничи, што значи еден возрасен зајак дневно не треба да изеде повеќе од 130 грама зрнаста храна, а сено, доколку не е детелина може да се дава во неограничена количина.
Доколку во исхраната користите концентрат за зајаци, тогаш имајте на ум дека детелината и концентратот не треба да се даваат во исто време затоа што тоа е прејак оброк и од тоа може да добијат пролив, кој е највеќе погубен за младите. Леб најдобро е да не се дава во исхраната, затоа што содржи квасец.
Пченката може да ја давате во зрна или цел кочан, сеедно е, но најдобро е да не се дава во кочан затоа што може да дојде до трошење на забите. Повремено е добро да се дава морков поради разните витамини кои ги содржи.
Гоење на зајакот
Meсец Скробни единици/килограм прираст
1. 2 килограми 200 грама (2.200)
2. 4 килограми (4.000)
3. 5 килограми 200 грама (5.200)
4. 8 килограми 100 грама (8.100)
Раси
Стандардната поделба на зајакот спрема големината е:
♦Големи раси, од 5.500 килограми па нагоре
♦Средни раси, од 3.550 килограми до 5.500 килограми
♦Мали и патуљасти раси, до 3.500 килограми.
Поделбата на зајаците може да се изврши и спрема должината на влакното, и тоа:
♦Со кратко влакно
♦Со долго влакно.
Валентина Соколовска
за Зелена берза
