Падна продажбата на пивото „Карлсберг“ во Русија
Падот на продажбата на рускиот пазар се должи на новиот закон со кој се ограничува максималната големина на шишињата изработени од пластика.
Данската пивара „Карлсберг“ минатата година забележа пад на продажбата и на профитот, во најголема мерка како резултат на намалената пазарна активност во Русија.
Падот на продажбата на рускиот пазар се должи на новиот закон со кој се ограничува максималната големина на шишињата изработени од пластика. „Карлсберг“ соопшти дека лани остварил нето профит од 1,26 милијарди дански круни (170 милиони евра), што е значително помалку во однос на профитот од 4,49 милијарди круни (603 милиони евра) остварен во 2016 година.
Приходот на пиварата лани се намалил на 61,8 милијарди круни (8.3 милијарди евра) од 62,6 милијарди круни (8,4 милијарди евра) претходната година.
