Тутунопроизводителите очекуваат повисока откупна цена за следната реколта
Задоволство од тоа што ќе бидат исплатени повисоки субвенции за откупениот тутун од ланската реколта, денеска на прес конференција во Прилеп изразија од Сојузот на тутунопроизводители на Македонија.
-По 80 денари ќе бидат исплатени за прва, по 70 за втора и 60 денари за трета класа тутун. Околу 9 милиони килограми тутун се откупени во прва класа, 13 милиони во втора, 1,2 милиони во трета и многу малку во четврта класа – рече Неделковски.
Тој посочи дека како Сојуз продолжуваат да преговараат со откупувачите за повисоки откупни цени на тутунот и затоа ги повикуваат тутунопроизводителите да не брзаат со потпишување на нови договори.
-Има време за договорите. Се надеваме дека ќе има повисоки цена. Покачувањата бараме да бидат по 30 денари по килограм за секоја класа и воедно да има приближување на разликата на цените – посочи претседателот на Сојузот.
Инаку, има најави дека интересот за тутунопроизводство во следнава реколта ќе биде зголемен затоа што има нови откупувачи и од Сојузот очекуваат дека ќе има два до три милиони килограми повеќе производство на тутун од минатата сезона.
