Тутунопроизводителите не пројавуваат интерес за зголемување на засадените површини
Струмичките тутунари не пројавуваат желба за окрупнување на земјоделските површини и зголемување на производството, иако тутунот претставува една од културите со најстабилен пласаман, со оглед дека се продава по однапред направен договор меѓу производителот и купувачот. Од здружението „Јака“ велат дека тутунопроизводителите во овој регион во просек засадуваат п ополовина хектар што е трипати помалку од површината што се засадува во Западна Македонија.
Андонов аплеира да не се брза со склучување на договорите бидејќи интересот за тутунот расте а во струмичко следната реколта ќе откупуваат и две нови компании. Едната по подолг период се враќа на тутунскиот пазар а другата е целосно нова.
Во годинешниот откуп се откупени 23.100 тони тутун со просечна цена од 217 денари за килограм, а субвенциите се очекува да бидат исплатени во месец април. Вредноста на откупениот тутун оваа година е над 80 милиони евра, со субвенции од околу 28 милиони евра, тоа се над 108 милиони евра кои се доход на тутунопроизводителите.
