Ќе порасне цената на Jack Daniel’s на европскиот пазар
Цената на американското виски „Jack Daniel’s“ ќе се зголеми во Европската унија поради 25-процентната царина што ја наметнува ЕУ, објави „АП“.
Во петокот, ЕУ почна да наметнува давачки на увезените американски стоки, како што се бурбонот, путерот од кикирики и сокот од портокал.
Увозните давачки во износ од 3,4 милијарди американски долари се одговорни за тарифите што ги воведе администрацијата на американскиот претседател Доналд Трамп за европскиот увоз на челик и алуминиум.
Фил Линч, портпарол на производителот на „Jack Daniel’s“, „Brown-Forman“, минатата ноќ изјави дека зголемувањето на цените ќе стапи на сила во следните неколку месеци.
Линч рече дека цената за европските потрошувачи ќе се зголеми за 10 отсто, но цената може да варира на пазарите, бидејќи локалните дистрибутери и продавници исто така се вклучени во цените.
Околу една четвртина од приходите на „Brown-Forman“ доаѓаат од Европа.
Мексико од неодамна, исто така, наметна увозна давачка од 25%. Но, Линч рече дека „Brown-Forman“ неодамна ги зголемил цените на „Jack Daniel’s“ во Мексико и не планираат ново зголемување.
