Се зголемија цените за сите житни договори на светските берзи
По претходното поевтинување седмицата донесе зголемување на цените кај сите житни договори на светските берзански пазари.
Во Чикаго пченицата поскапе со 8 долари до претходните 215 долари/тон, во Франција со 9 евра до 189 евра/тон. Во Украина и Русија, цените, исто така, се зголемија малку за 3 и 1 долари, соодветно, на 202 и 204 долари/тон.
Кај пченката промената во цената во Чикаго се зголеми со плус 7 долари, повторно до претходните нивоа од 162 долари/тон, во Франција исто така се вратија на старите цени со покачување од 3 евра до 162 евра/тон.
Во Русија цената варира, сега е плус 4 долари до 201 долари/тон.
Семето од репка во Европската унија (Еuronext) се движи на 360,50 евра/тон, а јачмен во Франција и Германија, исто така отиде кон зголемување со 3 и 7 евра и достигна цена од 176 и 187 евра/тон.
Нерафинираното сончогледово масло и рафинираниот шеќер се единствените стоки што паднаа. Цената во Ротердам на маслото оваа недела е со минус 10 долари до 770 долари/тон, а шеќерот во Лондон продолжува да губи на крајот на јуни и поевтини со сериозните 21,20 долари до 318,40 долари/тон.
