Одберете го вистинското вино со скарата

Со кебапчиња, крилца, плескавици, кременадли, вешалици, многумина не можат да замислат ништо друго освен кригла со ледено пиво. Генерално, пивото служи да го испере непцето и да го подготви за налетот на вкусот на скарата.

Од друга страна, виното на целата таа гастрономска рапсодија и дава поинаква нота.

Прва битна работа е тоа дека со скара заедно одат помалку силни вина. Идеален избор е розе.

Исто така и белото вино, ќе ја омекне мрснотијата, а уште поубаво ако е надградено со кисела вода. Но, доколку „шприцер“ е под вашата винска чест, тогаш разиграно пенливо вино е идеален елегантен чистач на непца.

И ефтино лесно црвено вино може да изигра позитивна улога.

Еве неколку вински совети.

Пенливо вино совршено е за пилешко на скара, мелено месо и колбаси.
Совињон блан е најдобар пријател на пилешки крилца.
Шардоне сака добро печени мрсни кременадли.
Розе сака вкус на пилешко, но не е ни против кебапчиња.
Сув ризлинг е вино за колбасичари.
Каберне фран е едно од најприлагодливите вина. Обогатено со специјално испечени печурки на скара, ќе воодушеви со дебели домашни колбаси.