Растението Шатавари (Asparagus racemosus) е лазач со дрвени стебла и лисја што личат на игли од бор. Доаѓа од Индија, Австралија и некои области на Кина. Корените, највиталните делови на растението се користат многу заради нивните лековити својства, а лисјата и цветовите многу помалку. Ова растение е полно со цинк, калциум, минерали и комплекс на витамин Б. Неговите естрогени не даваат несакани ефекти. Ова растение ќе го балансира и подобри вашиот живот и честопати се нарекува „кралица на растенијата“. Ги балансира хормоните за време на сите фази на циклусот на жената, како и за време на менопаузата. Оваа билка е женски репродуктивен тоник, со исклучително корисни ефекти врз матката, јајниците и репродуктивниот систем како целина. Убива урогенитално воспаление и проблеми. Промовира плодност и либидо. Делува како афродизијак. Подеднакво е добро и за мажите. Маслото од Шатавари е добро за лумбаго, ишијас, воспаление на зглобовите, тоа е ефикасно за парализа. Билката Шатавари е популарна затоа што содржи состојки за подмладување, како и за употреба при лекување на разни проблеми поврзани со женскиот репродуктивен систем. Името Шатавари потекнува од два збора на санскрит, „шата“ што значи стотици и „вари“ што значи корен, а во слободен превод значи сто корени. Исто така, таа е една од најчестите билки што се користи во традиционалниот систем на хинду медицина , за зајакнување на репродуктивното здравје на жените. Во Индија, оваа билка се користи многу долго и се смета дека е ефикасна во лекувањето на разни болести. Растението Шатавари главно се користи за одржување хормонална рамнотежа кај жените, за лекување или спречување на состојби како што се синдром на полицистични јајници (PCOS), како и за ублажување на предменструалниот синдром или симптомите на менопауза. Според приврзаниците на билките Шатавари, корисно е за зголемување на плодноста, бидејќи може да лечи неправилности при овулација и менструација. Употребата на оваа билка исто така се смета дека го намалува воспалението на репродуктивните органи за време на менструацијата, ја зголемува сексуалната желба кај жените и го зголемува лачењето на млеко кај жени кои дојат. Исто така, билката понекогаш се користи за да се спречи спонтан абортус и предвремено раѓање, да се третираат најразлични гастроинтестинални проблеми, да се лекуваат рани и кашлица. Иако се тврди дека Шатавари е безбедно растение, можноста за несакани ефекти не може целосно да се исклучи. Коренот на Шатавари се користи во третманот, по посебен третман и сушење, а понекогаш и лисјата во форма на игла. Се консумира на многу начини, но најчесто е достапен како сушен корен, во прав. Прашокот се пие како сок измешан со вода или со зовриено млеко. Од Шатавари, исто така, се произведува масло за масирање на телото за да ги зајакне мускулите и да ја намали болката во лумбаго, ишијас или воспаление на зглобовите. Свежите лисја се користат за да се подготви паста што се нанесува надворешно за да се ослободат проблемите со кожата. Чајот за рамнотежа на хормоналниот и гениталниот систем се прави со 1-2 лажички прашок во 2-4 дл вода и да врие. Засладете со мед или кафеав шеќер, ако сакате. Овој чај можете да го земате 1-2 пати на ден. Во утринските часови и навечер, меѓу оброците, додадете 1 / 2-1 лажичка на топло млеко, промешајте и пијте. Млекото не треба да биде жешко. Најдобар ефект на Шатавари се постигнува со млеко.
Валентина Соколовска
за Зелена берза
