Владата ги има прифатено препораките на економската мисија на Обединетите нации (УНЕЦЕ) и интензивно работи на решавање на проблемите со загадувањето на воздухот и справувањето со отпадот, рече министерот за животна средина Насер Нуредини на промоција на третиот преглед на состојбите во животната средина, во организација на УНЕЦЕ и Министерството за животна средина.
Тој рече дека загадувањето на воздухот и справувањето со отпадот се издвоени како приоритети во извештајот и дека земјата работи на усогласување на законодавството.
Антони Нунес, програмски менаџер на УНЕЦЕ, рече дека со извештајот се оценуваат целите за одржлив развој и дека опфаќа и теми од економијата и дека животната средина не е обврска само на ресорното министерство, туку и на останатите министерства и институции.
Невена Георгиевска од О2 иницијативата рече дека недостасуваат инспектори, а уште повеќе недостасува контрола од инспекции од Министерството за внатрешни работи, бидејќи самите инспектори не можат да се соочат со тоа што го имаат на терен, особено на дивите сметилишта и отпадите каде што се гори сè и сешто. Таа рече дека не очекува драстично намалување на загадувањето, бидејќи е потребно системско решение и дека треба да има редовни контроли за да нема палење на терен. Според неа палењето диви депонии не единствен извор на загадување и дека е потребна контрола и на индустриските капацитети.
извор: Сакамдакажам.мк
