Сопственикот на брендот „Интер ИКЕА“ соопшти дека планира да вложи и околу 100 милиони евра во проекти за отстранување на јаглерод диоксид од атмосферата преку пошумување и заштита на шумите, пренесе Хина,објавува Плусинфо.

Шведската синџир на продавници за мебел ИКЕА најави дека ќе вложи 100 милиони евра за поддршка на своите директни добавувачи да преминат на користење на обновливи извори на енергија.

Сопственикот на брендот „Интер ИКЕА“ соопшти дека планира да вложи и околу 100 милиони евра во проекти за отстранување на јаглерод диоксид од атмосферата преку пошумување и заштита на шумите, пренесе Хина.

Овие вложувања се дел од настојувањата на ИКЕА да стане климатски позитивна, односно до 2030 година да придонесе за намалување на поголемата емисија на штетни гасови со ефект на стаклена градина отколку што самата ИКЕА ги произведува.

ИКЕА произведува околу 10 отсто од сопствениот асортиман на производи, додека останатото го набавува од околу 1.100 добавувачи.

Во септември групата „Ингка“, која во сопственост ги има повеќето продавници на ИКЕА, презеде обврска да ја надмине својата поставена цел до 2020 година да произведе толку обновлива енергија колку што самата ја троши.

Повеќе од 400 компании, вклучувакќи ги ИКЕА, Х&М, Кока-Кола и Сони, се обврзаа да ја поддржат иницијативата на Обединетите нации за ограничување на глобалното затоплување.

Извор: Плусинфо