Сашко Василев од Возарци ги има најубавите пластеници со марули

Со очи да ги јадеш марулите – преубави фотографии од пластениците со марули ни испрати Сашко Василев од кавадаречкото село Возарци производител на раноградинарски култури.

Сашко како стар пријател на Зелена берза, вели дека е задоволен од годинешниот род и цената што успеал да ја постигне.

-Годинава произведуваме околу 12.000 парчиња марули под пластеници, и успеавме да ги пласираме по цена од по 18 денари за парче,  за потребите на Минекс маркети. Колку за споредба лани цената беше 15 по парче. Во нашите пласстеници ова  е втора култура , бидејќи од март до крајот на јули пластениците се засадени со домати , а после тоа од средината на септември ги садиме со марули, вели Василев.