Заев: Досега се откупени 24,5 милиони килограми тутун, за целата реколта се обезбедени 70 милиони евра

Силно ја поддржуваме иницијативата за одржување на итна седница на Собранието за да се продолжи рокот за откуп на тутунот, да биде откупена целата годишна реколта и со помош на дополнителните пет милиони евра од Пакетот 5 да им помогнеме на тутунопроизводителите да постигнат просечна цена од 180 денари по килограм, истакна премиерот Зоран Заев на седницата за пратенички прашања во Собранието.

Тој информира дека досега се откупени 24,5 милиони килограми тутун и дека за откуп за оваа рекота се обезбедени четири милијарди денари, односно 70 милиони евра.