Секој Македонец должи по 1452 евра

Граѓаните на Хрватска се најзадолжени со вкупен долг кон банките по основ на заеми од 18 милијарди евра, а најмалку задолжени се жителите на Црна Гора, приближно 1,39 милијарди евра, според јануарските податоци на шест централни банки од земјите на поранешна СФРЈ, анализира Бизнис.рс.
На второ место според вкупниот долг се Словенците со износ од 11 милијарди евра, додека граѓаните на Србија се на трето место со износ од 10 милијарди евра. На четврто место се граѓаните на Босна и Херцеговина со 5,07 милијарди евра, а потоа  на Македонија со 3,01 милијарди и на Црна Гора со 1,4 милијарди евра.

Меѓутоа, кога се гледаат вкупните износи на долгот во однос на бројот на жители, излегува дека граѓаните на Србија се најмалку задолжени во споредба со другите земји кои потекнуваат од поранешната заедничка држава, пишува порталот Бизнис.рс.

Според висината на личните долгови по основ на кредити, најзадолжени се Словенците со износ од 5.286 евра, потоа следуваат Хрватите со 4.208 евра, Црногорците со 2.239, граѓаните на БиХ со 1.536 евра, Македонците со 1.452 евра и на крајот Србите со просечно 1.443 евра долг.

Интересно е да се види колку пораснала задолженоста на граѓаните во овие земји во текот на пандемиската 2020 година.https://nezavisen.mk/gragjanite-na-srbija-se-najmalku-zadolzheni-od-zemjite-vo-poraneshna-jugoslavija-kade-se-makedoncite/