Комисија на терен ќе ги проценува штетите од невремето во пелагониско

Претставници од Комисијата за проценување на штети од невреме неделава ќе излезат на терен за да направат процена на штетите кои што земјоделците ги пријавиле до општина Битола. На 22 август се случи невреме проследено со врнежи од дожд и град, кое што предизвика штети на земјоделските култури во околу 10-тина села во Пелагонија.

Не се знае колкава финансиска помош земјоделците ќе земат за претрпената штета од невремето.

Секој земјоделец без разлика дали ги има осигурано посевите или не, може да си поднесе барање до општина Битола дека невремето му оштетило дел од земјоделските култури. По добиеното барање, комисија за процена и утврдување на штети од елементарни непогоди излегува на терен, каде врши процена на штетата, потоа подготвениот извештај го доставува за натамошна обработка во министерството за финансии .