Битолско-Се гради локалниот пат за селото Барешани

По барање на жителите на селото Барешани, Општина Битола согледувајќи го нивниот повеќедецениски проблем, започна со реализација на проектот за изградба на локалниот пат кој води до селото.

Во моментов во тек се подготовките пред асфалтирање на патот во должина од 1265 метри и квадратура од 4412 м2. Вкупната вредност на инвестицијата од страна на општината изнесува 4.754.244 денари.

Реализацијата на проектот предвидено е да заврши најдоцна до почетокот на јуни.