Според синдикалната пресметка, во јули на едно семејство му биле потребни 34.128 денари

Сојузот на синдикатите на Македонија пресмета дека во јули на едно четиричлено семејство му биле потребни 34.128 денари за да ги покрие основните месечни потреби. Државниот завод за статистика неодамна објави дека во мај просечната плата била 28.721 денар.

Од тие 34.128 денари, најмногу се потрошиле за храна и пијалоци (14.417 денари), а за режиските трошоци неопходни биле минимум 10.826 денари. За превоз биле потребни 2.528 денари, за хигиена 2.381 денар и останатото за обувки, облека, одржување на здравјето и за културни активности.