Диви свињи се шетаат по улиците на Рим (ВИДЕО)

Во последниве години, граѓаните гледаа се` повеќе диви свињи во Рим, а главната причина за ова се смета за нерасчистената ситуација со градскиот смет што испаѓа од преполните канти и контејнери, пренесува Канал 5.

На снимката, која се прошири на социјалните мрежи, се гледа како група диви свињи минуваат покрај автомобили и пешаци во Монте Марио, северниот дел на градот.

„Се плашам … Ги видов еднаш кога отидов да фрлам ѓубре, ме следеа“, изјави Роза Карлети, жителка на Рим, за Ројтерс.

„Знаеме дека нема да не` нападнат, но ние секогаш држиме безбедна дистанца, бидејќи ако е мајка со младенчиња, постои ризик од напад“, изјавил жителот на Рим, Леонардо Зеноби.