Дебата за предизвиците во програмирањето и реализацијата на програмата ИПАРД III (2021 – 2027)
Во дебатата ќе бидат вклучени претставници на земјоделски здруженија и асоцијации на фармери, универзитетски професори, како и експерти за евалуација на програми за развој на руралната средина од нашата држава и од Словачка.
Националната конвенција за Европската Унија во Северна Македонија денеска на платформата Зум, ќе биде домаќин на Работната група 1 – Земјоделство и рурален развој (Поглавје 11), која ќе ја одржи деветтата сесија на тема „Предизвици во програмирањето и реализацијата на програмата ИПАРД III (2021 – 2027)“, во организација на Европското движење.
Во дебатата ќе бидат вклучени претставници на земјоделски здруженија и асоцијации на фармери, универзитетски професори, како и експерти за евалуација на програми за развој на руралната средина од нашата држава и од Словачка.
Проектот Национална конвенција за Европската Унија во Северна Македонија е платформа за вклучување на граѓанскиот сектор во дебати за теми поврзани со процесот на европската интеграција, со цел да се подготват сите капацитети на државата за претстојниот процес на преговори со ЕУ. Проектот е финансиран од УСАИД и Словачката агенција за развој.
