Државите од регионот ќе ја јакнат соработката во руралниот развој

Државите од регионот ќе ја јакнат соработката во областа на руралниот развој и ќе започнат повеќе меѓународни заеднички проекти. Во Скопје се формираше мрежа на истражувачи од оваа област.

– Овој состанок е многу важен од аспект што прв пат научници и истражувачи имаат можност од свој агол да ги разгледаат проблемите на руралните региони, како и проблемите на научните предизвици. До сега бевме дел од големите мрежи кои ги водеа други организации, а токму ние ги следевме. Овој пат можеме да го покренеме значењето на овие теми од страна на нашите земји кои се различни од другите во светот, кои имаат приоритети и различни политики за оваа област.