![](https://zelenaberza.com.mk/wp-content/uploads/2021/12/komora-tirana-696x391-1.jpg)
Mеѓународен саем во Тирана, прв пат заеднички настап на фирмите од регионот
Како што информираат од Комората, во состав на македонската делегација, претставниците на „Пекабеско“ АД Скопје, „ИМВ“ Битола, „Кораб Трница“, „Агро Вардарие“, „Тим Ентерпрајс“ и „Биомарел Шитаке“, преку Б2Б средби, промоции, дегустации, ги презентирале своите производи и потенцијалите за продлабочуање на соработката на пазарите во останатите земји од Западен Балкан.
Претседателот на Стопанската комора на Северна Македонија и копретседател на Коморскиот инвестициски форум (КИФ) Бранко Азески, заедно со потпретседателката на Комората Елена Милевска Штрбевска учествуваа на отворањето на меѓународниот саем во Тирана на кој на заеднички штанд во организација на КИФ учествуваше 31 компанија од шестте земји од Западен Балкан.
Како што информираат од Комората, во состав на македонската делегација, претставниците на „Пекабеско“ АД Скопје, „ИМВ“ Битола, „Кораб Трница“, „Агро Вардарие“, „Тим Ентерпрајс“ и „Биомарел Шитаке“, преку Б2Б средби, промоции, дегустации, ги презентирале своите производи и потенцијалите за продлабочуање на соработката на пазарите во останатите земји од Западен Балкан.
Во присуство на амбасадорот на Република Северна Македонија во Тирана Данчо Марковски, Азески остварил разговори со бизнис делегацијата и околу можностите и програмите што ги нуди Коморскиот инвестициски форум за бизнис секторот.
-По паузата минатата година, Меѓународниот саем во Тирана преставува добра можност за компаниите од регионот на ЗБ6 да ги презентираат своите производи, да ги зајакнат постојните и истражат нови можности за извоз, како и да воспостават нови деловни односи со партнери од Албанија, останатите земји од Западен Балкан или пак други земји, велат од Стопанската комора на Северна Македонија.
Во текот на денешниот ден Азески заедно со вицепремиерот Фатмир Битиќи во Тирана ќе оствари дополнителни деловни средби.https://nezavisen.mk/megjunaroden-saem-vo-tirana-prv-pat-zaednichki-nastap-na-firmite-od-regionot/