Оваа недела се очекува да почне увозот на пченица и останатите суровини од Србија

Колку количини на пченица, сончоглед, јачмен и останати суровини ќе се увезат од соседна Србија ќе зависи од македонските компании и трговците, истакна  министерот за земјоделство, шумарство, водостопанство, Љупчо Николовски.

Николовски најави дека оваа недела, кога ќе завршат административниот дел и формалностите ќе почне увозот на лебното зрно и останатите суровини, за кои македонските компании имаат договорено со своите партнери од Србија.

Николовски посочи дека задача на Министерството и на Владата беше да обезбеди да се тргне забраната за извоз на пченица и на останати суровини од страна на Србија.