За сточарите интервентна субвенција од 400 денари по грло за предадено јагне во регистрирани кланични капаците, потврди Ковачевски

Во делот на сточарството, премиерот Димитар Ковачевски вчера во Собрание рече дека е обезбедена интервентна субвенција од 400 денари по грло за предадено јагне во регистрирани кланични капацитет и интервентна субвенција од 1.500 денари по грло за гоеници со тежина над 90 килограми, а се воведува и нова интервентна субвенција од 60 денари за производство конзумни јајца. Националниот план за производство на храна, како што објасни премиерот, содржи и зголемување на површините за производство на стратешки култури.

– За таа цел секоја педа обработливо земјиште ќе ја ставиме во функција на земјоделско производство на стратешки култури и за тоа во тек е наменски јавен оглас за доделување на скоро 6.000 хектари за зголемување на производството на житни култури – додаде премиерот Ковачевски.