Денес во Битола-Манифестацијата „Незаменливиот вкус на традицијата“ во организација на Зелена берза

Манифестацијата „Незаменливиот вкус на традицијата“ во организација на Зелена берза ќе се одржи денес, среда, во Битола, во 12 часот во објектот на Синпекс Битола во индустрискиот дел на градот, на улица Индустриска бб.

Сите вкусови и бои на традиционалните македонски производи во среда ќе бидат  претставени на третата по ред манифестацијата финансирана од Министерството за земјоделство, шумарство и водостопанство на Северна Македонија.

Саемот на македонска традиционална храна има за цел да ја промовира македонска  храна и на едно место да ги собере  производителите, преработувачите и иноваторите на нови вкусови на храна од сите страни на Македонија.

Целата на организаторот Зелена берза е преку оваа манифестација да поттикне и поинтензивниот развој на органското земјоделство и секако одржување на бројот на жители во руралните средини и позабрзан развој на селата.

Со овој настан Зелена берза во истовреме е промотор на органското производство, како и пласманот на нашите земјоделски производи на домашните и странските пазари. Во последниве години забележлив е трендот и зголеменото органско производство кое е координирано со финансиската поддршка од  страна на Владата, токму поради големите природни потенцијали за развој на органско производство во нашата земја.

Производителите, учесници на настанот со посредство на Зелена берза – Битола, ќе имаат можност да промовираат дел од своите производи.

Бидете гости на  третата по ред манифестација „Незаменливиот вкус на традицијата“

Ваша Зелена берза