Ѕвонко Ристески од мало Коњари-Со субвенциите добиваме 370 денари по килограм предаден тутун, нешто што не се случило до сега

 Ѕвонко Ристески од мало Коњари, прилепско, вели дека за прв пат новогодишните и божиќните празници ќе можат среќни да ги дочекаат заедно со нивните семејства, неместо по протести и во страв од откупот.

„Зедно со 80 денари субвенции од државата за прва класа оваа година ние тутунарите добиваме 370 денари по килограм предаден тутун, нешто што не се случило до сега и е најубавата новогодишна честитка за нас. Благодарни сме до министерството што наврмено ги започна разговорите за овогодинешниот откуп со откупувачите, кој дадоа фер цена и ја почитуваа нашата мака и добриот квалитет на тутунот. Заедно покажавме дека можеме да имаме и поинаква откупна година“ рече Ристески на верашната средба во МЗШВ каде присуствуваа министерот Љупчо Николовски и откупувачи.