Николовски уште во декември најави дека со новиот буџет први субвенции ќе земат лозарите

Лозарите бараат исплата на редовните субвенции од хектар за оддржување на лозовите и овошните насади, да се исплатат пред празникот Св. Трифун со можност за нивно покачување, затоа што велат дека цената на сите заштитни средства и ѓубрива е значително покачена. Бараат тие да се исплаќаат календарски пред сезоната за сите култури стои во барањата на „Тиквешки лозароовоштари” .

Со писмото од вчера испратено до  министерот и Министерството, се бара итно исплаќање на средствата наменети за регистриран  млад земјоделец, плус 20 отсто од редовните субвенции за 2021 и 2022 година.

Министерот Љупчо Николовски уште на 6 декември објави дека во однос на исплатата на субвенциите за лозарите, тие ќе бидат исплатени веднаш штом ќе биде донесен буџетот, поточно пред Свети Трифун, празникот на лозарите.

– Исплатата започнува со новиот буџет, со носење на програмите и една од првите исплати ќе е токму за лозарите. Таа традиционално се исплаќа пред Св. Трифун без никаква селекција, со една одлука, со еден потпис на директорот, со редно решение и во еден ден исплата со повеќе милиони евра, рече Николовски, одговарајќи на новинарско прашање.