Државата бара заем од ОПЕК и од Светска банка

Македонија е пред нова позајмица од 77,5 милиони евра. Понеделнички, во Собранието се доставени два предлог закони за задолжување, едниот кај Фондот за меѓународен развој на ОПЕК, а другиот кај Меѓународната банка за обнова и развој – Светска банка. Предложена е и скратена постапка.

Од ОПЕК се барани 60, а одобрени се 50 милиони евра. Овие средства ќе ги користи Министерството за финансии, а ќе се отплаќаат од државната каса под „исклучително поволни услови“, како што се наведува во предложениот законски текст. Рокот за отплата е десет години, со двегодишен грејс период. За каматната стапка е наведено дека е шестмесечен ЕУРИБОР, зголемен за маргина од 1,7 насто.

Овој заем ќе се отплаќа во 16 полугодишни рати, кои за намирување ќе пристигнуваат на 15 јануари и на 15 јули секоја година. Стартот на тплатата е утврден за 15 јануари 2026.

За оваа услуга државата ќе му плати еднократна провизија на Фондот за меѓународен развој на ОПЕК. Износост е 125.000 евра, односно 0,25 отсто од вкупната позајмена сума. Од каде што и ќе се покрие овој трошок.

Исто така, предвидена е истата провизија од 0,25 проценти и доколку дел од заемот остане неповлечен на годишно ниво.

Како што пишува во образложението, овој заем за одржливост и отпорност ќе биде во функција на развојните политики. Односно за „финансирање на буџетските потреби под исклучително поволни услови“.

Целиот текст на https://pari.com.mk/