Кога просечниот Американец јаде зеленчук, тој најмногу јаде компири и домати, според Службата за економски истражувања на Министерството за земјоделство на САД.
Просечниот Американец во 2019 година изел речиси 25 килограми компири и 15 килограми домати.
Сепак, постои шанса агенцијата да ги прекласифицира компирите, преместувајќи ги од скробен зеленчук во категоријата житарки, ориз и други јаглехидрати.
Како што пишува Wall Street Journal, Советодавниот комитет за диететски насоки на САД ги подготвува своите упатства за исхрана за 2025 година, а статусот на компирот може да се промени.
Иницијаторите велат дека со зголемениот број модерни диети и новите начини на исхрана, сакаат да се погрижат сите да добијат доволно хранливи материи, без разлика дали јадат повеќе компири, леб или грав.
Така, почнувајќи од 2025 година, ако Американците јадат помфрит секој ден, би можеле да кажат дека јадат житарки секој ден.
Патем, нивните упатства за исхрана ја класифицираат храната во пет категории – млечни производи, овошје, житарки, протеини и зеленчук. Некои луѓе од оваа професија протестираа поради преместувањето на компирот од една во друга категорија.
„Скробниот зеленчук и житарките се две многу различни групи на храна кои имаат многу различни улоги во внесувањето на хранливи материи во исхраната. За разлика од житарките, белиот компир е богат со калиум, калциум, витамин Ц, витамин Б6 и растителни влакна“, велат тие.
Не е јасно како ќе се одвива оваа ситуација.
