Заменик министерот за земјоделие ќе биде од партијата на Таравари

„За министри, од Алијанса, кажав дека ќе имаме заменик-премиер, односно министер за добро владеење и транспарентност и министер за здравство, двајца заменици-министри за одбрана и за земјоделство и двајца државни секретари. За еден знам, за здравство, за другиот не сум сигурен“, вели Таравари

Актуелниот градоначалник на Гостивар, Арбен Таравари вели дека сè уште нема решено дали ќе биде министер во идниот владин состав.

Таравари вели дека сè уште размислува дали ќе ја прифати функцијата и потврдува дека се точни дел од пишувањата во медиумите околу распределбата на владините ресори и функционерски места.

Тој вели дека можеби денеска или утре ќе биде објавен договорот меѓу идните владини партнери, „Вреди“ и ВМРО-ДПМНЕ.

Што се однесува до распределбата на ресорите, Таравари вели дека околу министерските места имаат разговарано, но но и за директорските.

„За директори уште немаме зборувано. За министри, од Алијанса, кажав дека ќе имаме заменик-премиер, односно министер за добро владеење и транспарентност и министер за здравство, двајца заменик-министри за одбрана и за земјоделство и двајца државни секретари. За еден знам, за здравство, за другиот не сум сигурен“,

вели Таравари.