Од полноќ нова цена на горивата, поевтинува дизелот

Од ноќеска на полноќ се намалува цената на дел од горивата.

Според одлуката на Регулаторната комисија за енергетика (РКЕ), цената на дизелот се намалува за 1,5 денар за литар, додека цената на бензините останува иста.

Литар дизел од полноќ ќе се продава за 71,5 денари за литар, а екстра лесното масло за домаќинство за 70,5 денари за литар. Еуросупер БС-95 и натаму ќе се продава за 80 денари, а еуросупер БС-98 ќе чини 82 денари за литар.

Со одлуката на РКЕ за 0,734 денари за килограм се намалува и малопродажната цена на мазутот и таа ќе изнесува 42,475 денари.

Цената на килограм мазут, пак, се намалува за 0,734 денари и ќе се продава за 42,475 денари.