Во Србија – кафето поскапува за околу 50 отсто

Омилениот топол пијалок кај Србите, кафето, дефинитивно ќе поскапи од 1 јули, но за колку? Првичните информации кои се појавија навестуваа поскапување за околу 50 отсто, а по неколку дена се зборуваше за поскапување и до 20 отсто, во зависност од брендот на кафето.

Тоа би значело дека во најлош случај 100 грама домашно кафе од 1 јули би можело да поскапи за околу 100 динари, додека во ова поумерено сценарио поскапувањето може да биде и до 40 динари за 100 грама кафе. За народ кој годишно троши 4,5 килограми од оваа суровина по глава на жител, ова е голема вест, пишува Блиц.