Марија од струмичко Балдовци, заедно со земјоделки од Тимјаник, Росоман и Градско прогласени за „Жена фармер“ за 2024 !

29 годишната Марија Стојанова од Балдовци Струмица го понесе признанието Жена фармер за 2024 на годинашното издание на Агросаем Струмица 2024. Таа со семејството се занимаваат со сточарство цели 10 години и постигнуваат одлични резултати. Годишно произведуваат околу 123 тона млеко. Поседуваат околу 80 крави од кои 33 молзници. Обработуваат 25 декари сопствено и 460 декари ниви под наем со јачмен и луцерка, објави drnka.mk

Освен Стојанова, признанието Жена фармер го доби и Владанка Ристиќ од населеното место Тимјаник. Таа има 50 години и со семејството обработуваат 3 хектари винова лоза а од 2021 година имаат дестилерија ,,Слоган“ во која произведуваат лозова, сливова ракија и мастика.  Како мала семејна фирма на саемот ,,Отворен Балкан“ во Белград се добитници на сребрени медали за мастика и лозова ракија.

За Жена фармер, здружението Проагро фармери од Струмица организатори на Агросаемот Струмица 2024 ја прогласија и Весна Јаневска од Росоман. Со семејството одгледуваат раноградинарски производи и произведуваат и домашни преработки од црвена пиперки како и од овошје. Паралелно одгледуваа лозје и праски. Во 2019 година е добитник на грант а во 2023 почнува со продажба од куќен праг. Има своја работилница каде го произведува и пакува производството како готови преработки.

Меѓу добитничките е и Валентина Дукова од Градско – Велес. Таа е пчелар и како семејство имаат пчеларник Дукови а планира да отвора и Апикомора со оглед дека има сертификат за апитерапевт. Како семејство имаат 200 пчелни семејства кои се наоѓаат на планината Клепа во селото Подлес, каде планира да се фоксуира и на селскиот туризам со оглед на местоположбата, чистиот воздух, вода и други природни убавини во селото Подлес.  Сите тие добија награди од компаниите партнери на ова манифестација Риверсофт и Најк пром. (В.Трајков )