Агро бизнисВестиМакедонијаТоп вести
Ќе преовладува променливо облачно време со повремени локални врнежи од дожд
За изминатите 24 часа до 07 часот најмногу дожд наврна во Маврови Анови 21.2 л/м². Снежна покривка во (cm) до 07 часот: 53 Маврови Анови, 49 Попова Шапка, 16 Крушево, 4 Лазарополе.
ВРЕМЕТО УТРЕ: Променливо облачно со повремен дожд кој во средината на денот ќе намали. Од крајот на денот и преку ноќта врнежи од дожд ќе има на на повеќе места низ земјата. Ќе дува слаб до умерен ветер од јужен правец, поизразен долж Повардарието.
Во Скопје претежно облачно, преку денот со услови за краткотраен дожд, а почести врнежи кон крајот на денот и во текот на ноќта. Ќе дува слаб до умерен ветер од југоисточен правец.
ВРЕМЕТО ВО СЛЕДНИТЕ ДЕНОВИ: Ќе преовладува променливо облачно време со повремени локални врнежи од дожд. Од недела и во деновите потоа наместа врнежите повремено ќе бидат поројни и пообилни и краткотрајно со услови за појава на грмежи. Постојната снежна покривка на помалите височини ќе се намалува. Особено во недела ќе дува засилен до силен јужен ветер (над 60 км/ч).
