Земјоделскиот институт при УКИМ ќе одбележи 80 години постоење
Во моментив е водечки истражувачки институт во поглед на растителното производство.
Земјоделскиот институт при Универзитет „Св. Кирил и Методиј“-Скопје вечер во Музејот на македонската борба за самостојност свечено ќе одбележи 80 години од основањето.
Настанот ќе го отвори директорот на Институтот, проф. д-р Виктор Ѓамовски, а најавени се обраќања на претседателката на државата, Гордана Сиљановска-Давкова, и ректорката на УКИМ, Биљана Ангелова.
На настанот ќе има видеопрезентација за Земјоделскиот институт, ќе бидат доделени плакети и благодарници и музичка програма со настап на Камерен оркестар и солисти на Факултетот за музичка уметност – Скопје.
Земјоделскиот институт при УКИМ е една од најстарите научно-истражувачки организации од областа на земјоделството во државава, формиран во 1944 година.
-Во моментив е водечки истражувачки институт во поглед на растителното производство. Од 2009 година функционира како единка на Универзитетот „Св. Кирил и Методиј“ во Скопје.
Главните дејности на Институтот се образованието, научното истражување и апликативната дејност на научните резултати во пракса, соопшти Институтот. хс/лв/Фото: Земјоделски институт – Скопје .
Извор: МИА
