Поскапуваат и бензините и дизелот

Од ноќеска на полноќ горивата ќе се продаваат по нови, повисоки цени.

Според одлуката на Регулаторната комисија за енергетика (РКЕ), цената на бензинот БС-95 се зголемува за 1,50 денари, а на бензинот БС-98 и на дизелот за еден денар.

Па така, од полноќ новата цена на бензинот БС-95 ќе биде 79,50 денари за литар, бензинот БС-98 ќе се продава за 81,50 денари, а дизелот ќе чини 73,50 денари за литар.

Со одлуката на РКЕ, од полноќ за еден денар поскапува и екстра лесното масло за домаќинство и тоа ќе се продава за 73 денари за литар.

За 0,426 денари за килограм се намалува цената на мазутот кој со одлуката на РКЕ од полноќ ќе се продава за 45,285 денари за килограм.