Агро бизнисВестиТоп вести
Дизелот и бензинот со мала разлика
Мотор-ен бензин ЕУРОСУПЕР БС – 95 ќе чини 75 денари/литар, моторен бензин ЕУРОСУПЕР БС – 98 ќе биде 77 денари/литар, дизел гориво ЕУРОДИЗЕЛ БС (Д-Е V) ќе чини 71,50 денари/литар
Од ноќеска се намалуваат малопродажните цени на бензините ЕУРОСУПЕР БС-95 и ЕУРОСУПЕР БС-98 за 0,50 денари/литар и на мазутот М-1 НС за 0,314 ден/кг и сега ќе изнесува 40,158 денари/литар, одлучи Регулаторната комисија за енергетика (РКЕ).
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.
Мотор-ен бензин ЕУРОСУПЕР БС – 95 ќе чини 75 денари/литар, моторен бензин ЕУРОСУПЕР БС – 98 ќе биде 77 денари/литар, дизел гориво ЕУРОДИЗЕЛ БС (Д-Е V) ќе чини 71,50 денари/литар, маслото за горење Екстра лесно 1 (ЕЛ-1) ќе чини 71 денари/литар и мазутот М-1 НС 40,158 денари/килограм, се наведува во соопштението од РКЕ.
Со Одлуката се врши намалување на малопродажните цени на нафтените деривати во просек за 0,42 отсто во однос на одлуката од 14.7.2025 година.
