Маж од село Житоше со моторна пила им се заканувал на полицајци кога го фатиле на лице место како ја сече шумата

СВР Битола известува – На 19.09.2025 во 17:30 часот во ОВР Крушево, Б.Ј.(53) од Крушево, вработен во Шумска полиција, пријавил дека на место викано „Селечки рид“ во атар на с.Селце, крушевско, додека извршувал службени дејствија заедно со неговиот колега го затекнале Ќ.Ј. од с.Житоше, крушевско, со уште едно лице како нелегално врши сеча на шума, и при наредба дадена од шумските полицајци да прекине и да ја предаде моторната пила, Ќ.Ј. ја насочил пилата кон нив и се заканил дека ќе ги нападне, по што се дал во бегство. Се преземаат мерки за расчистување на настанот.