Петров до Трипуновски: Ја штитиш винската мафија на грбот на лозарите

Пишува Никола Петров – Координатор на Левица – Земјоделски сектор

Никола Петров јавно го прозва министерот за земјоделство Цветан Трипуновски за, како што вели, запирање на откупот на винското грозје и намалување на откупната цена за лозарите. Во својата објава тој обвинува дека државата ги штити интересите на „олигархиската винска мафија“, додека лозарите остануваат со блокирани приходи и зависни од кредити.

Каде е сега Цветан Трипуновски министерот за пиар, да каже јавно зошто запре откупот на винското грозје, на вранецот?

Каде е Цветан да каже зошто им намалуваат на откупната цена на лозарите до 8 отсто од килограм, ако сакаат веднаш да им се плати грозјето? Оти бе Цветан лозарите на кредит ли треба да живеат та парите за грозјето да ги чекаат со месеци и години да им ги исплатат вашите олигарси винариите?

Зоште бе Цветане вино може олигарсите да си извезуваат слободно, а на лозарите им забрануваш грозјето да си го извезуваат каде сакаат?

Еј Цветане, Цветане, ја штитите олигархиската винска мафија, а лозарите нека скапуваат по цел ден зиме и лето на нивите за туѓи бели дворови.