Венко Филипче меѓу земјоделците во Иловица – субвенциите неисплатени

Претседателот на СДСМ Венко Филипче денеска беше меѓу земјоделците во селото Иловица. – Со ВМРО на власт, земјоделците од сите региони во државата трпат огромни загуби. Денеска во селото Иловица, општина Босилово, разговарав со земјоделците за проблемите со кои секојдневно се соочуваат. Сликата е загрижувачка – намалени и неисплатени субвенции, зголемени производствени трошоци и откупни цени намалени за околу 30%.

Трошоците за производство се зголемени за 300%, поскапени се работната рака, водата и ѓубривата. Земјоделците се оставени да се справуваат без никаква поддршка.За две години Владата на ВМРО го доведе до пропаст земјоделството. Нема сектор во земјоделството што не се соочува со проблем.

Ова е тотална негрижа од оваа власт и од ова раководство на Министерството за земјоделство, шумарство и водостопанство – министер на кој, како и неговиот шеф Мицкоски, единствено нешто по што е познат се бројните коруптивни скандали.
Колку побрзо си замине оваа Влада, толку подобро и за земјоделците и за сите граѓани на државата, објави Филипче.