Производителите на ориз најавија протест
Оризарите во вторник ќе го блокираат патот Штип – Кочани.
Земјоделците-производители на ориз од кочанско најавија дека ќе излезат на протест и дека ќе го блокираат патот Штип-Кочани, во знак на незадоволство поради високите цени на репроматеријалите и ниската откупна цена на оризот и арпата.
Тие велат дека се уште не им е продадена околу една четвртина од ланската реколта, а за една недела треба да почне годинешната жетва.
Земјоделците велат дека нема да ја почнат жетвата, а во вторник ќе го блокираат патот Штип – Кочани.
Тие бараат да се дефинира производна цена на оризот и да се забрани увоз на неквалитетен ориз, за да се заштити домашното производство.
Од Иницијативниот одбор сметаат дека цената на оризовата арпа не смее да биде под 25 денари и ги обвинуваат откупувачите за манипулации.https://fokus.mk/proizvoditelite-na-oriz-najavija-protest/
