Ќе се намали производството на млеко во ЕУ

Со укинувањето на производните квоти за млеко на 31 март во 2015 година, Европската комисија ја отвори Пандорината кутија па сега се обидуваат да ја решат настанатата штета. ЕК сака проблемот поради зголеменото производство, таложењето на резервите, предизвикани и од руското ембарго, да го реши со усвојување на Закони за редукција на производството на млеко.

„Европа е преполна со резерви, што предизвика пад на цените, па до неодамна рентабилното стопанство е принудено да ги затвара фармите. Законот на ЕК на сила стапи на 11 септември, па на млекопроизводителите им останува краток рок за подготовка” – вели Мирослав Ковач, секретар на здружението ОПГ Живот.