вести

Аутлетот за храна, плати едно земи две – можност за поевтино да помине месецот

(Oвој напис е објавен на: март 22, 2018)

hrana

Бранот на поскапување изминатиов период  дополнително им ги истенчи и онака празните џебови на граѓание.

Поевтината храна како дневните и неделните акции во маркетите се одлична можност за заштеда на некој денар.

-Ги следам акциите во маркетите, искрено да ви кажам се случува некогаш за 150 денари да направам ручек.Има и некои продукти кои се наменети за некои празници или период во годината како зимници, кои може да си ги купите за поевтини пари и да заштедите 10, 15 денари зависи од производот, вели скопјанката Александра.

Доста популарна меѓу граѓаните е и аутлет продавницата за храна во која се продаваат производи  на кои рокот на употреба е при крај.

Храната во овој маркет е до 70 отсто поевтина од супермаркетите.Оваа продавница е наменета за посиромашните граѓани, а неретко можат да се сретнат и граѓани кои сакаат да си поминат поевтино во месецот.

Се работи за продажба на храна која трговските центри и фабриките поради различни причини не успеале да ја продадат.

-Често пати пазарам од овој маркет, рокот на работите е за ден, два пред истекот, да ви кажам ваков маркет е потребен за граѓаните кои не се во можност да си купуваат храна, вели скопјанецот, Блажо.

Трошоците на живот и индексот на цените на мало, во ноември 2017 година во однос на претходниот месец се зголемиле за 0,2 отсто. Порастот на индексите на трошоците на живот од 0,2 отсто во ноември 2017 година во споредба со претходниот месец, е резултат на повисоките индекси на сирењето и урдата за 2,4 отсто, замрзнатото овош је за 1,8 отсто, компирот за 1,5 отсто, оризот, сушениот зеленчук, другиот конзервиран и преработен зеленчук за 1,1 отсто, другите прехранбени производи за 0,9 отсто, другите пекарски производи и месото за 0,8 отсто, млекото за 0,6 отсто, маслото и маснотиите за 0,5 отсто, рибата и морските плодови, цигарите за 0,4 отсто, брашното и другите жита за 0,3 отсто,трбушките, сушеното, соленото и чаденото месо за 0,2 отсто.


 

скопјеинфо.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close