![festival na vino i sirenje vo ohrid](https://zelenaberza.com.mk/wp-content/uploads/2016/08/festival-na-vino-i-sirenje-vo-ohrid.jpg)
Годинава македонските винарски визби, млекарници и индивидуални производители на сирење ја продолжуваат традицијата на одржување на „Фестивалот на вино и сирење“ каде взаемно ќе бидат споделени вкусовите на домашните вина и сирења.
На фестивалот во Охрид кој ќе трае два дена, денес и утре, учество ќе земат 14 излагачи, кои своите производи ќе ги излагаат од 20 часот.
Во рамки на дводневната манифестација, покрај можноста да вкусат добро вино и сирење, истовремено ќе може да уживаат во културно – уметничката програма.
Манифестацијата ќе се одржува на малиот плоштад „Крушевска Република“.
Првиот ден, 26-ти август, за музичката програма ќе се погрижат Ансамбл „Билјана Јуниор“ и DJ – NASTY deluxe со дј-ски сет.
Додека на вториот ден, 27-ми август ќе има презентација и дегустација на производи збогатена со културно уметничка програма – Интернационален фолклорен фестивал „Разигран плоштад“.