Мицкоски: 70 милиони евра за шест месеци се исплатени за земјоделците, што претставува рекорден број за изминатата година

Претседателот на Владата на Република Македонија, Христијан Мицкоски, денеска одговарајќи на новинарско прашање, колку пари беа исплатени од Буџетот за субвенции на земјоделците, информираше дека во последниве шест месеци се исплатени околу 70-тина милиони евра, рекорден број на финансиски средства за земјоделците.

„За земјоделците изминатата година се исплатени рекорден број на финансиски средства. Само  во последните шест месеци, мислам дека таа бројка е отприлика 4,3 милијарди денари, околу 70  милиони евра.

Од тие некаде околу 2,5 милијарди денари се знам долгови од минатото, што не се дел од оваа тековна фискална година и мислам дека на тој начин се покажува дека се можело и да се вратат старите долгови ако се работи домаќински, чесно, посветено и одговорно. Долгови се наталожување, затоа што не се работело домаќински, чесно и одговорно.

Така и ќе продолжиме и во годините коишто се пред нас и мораме да покажеме дека можело поинаку од тоа што беше како досега принципот“,  изјави премиерот Мицкоски.