вести

На годинешниот Фестивал на младо вино во „Тиквеш“ собрани над 154.000 денари за поддршка на училиште за талентирани деца изложени на социјален ризик

(Oвој напис е објавен на: ноември 28, 2018)

Деветтиот по ред Фестивал на младо вино во организација на винарницата „Тиквеш“ и оваа година имаше општествено одговорна и хуманитарна димензија. „Тиквеш“ како домаќин ги мотивираше своите гости да донираат средства, со тоа што за секоја донација од најмалку сто денари, подаруваше шише младо вино од годинешната берба.

Оваа година, со акцијата беа собрани над 154.000 денари, а беа подарени близу 2000 шишиња вино. Собраните средства ќе бидат наменети за поддршка на Здружението за хумано-општествен развој „Проект среќа“, поконкретно за проектот за основање на првото бесплатно училиште за музика и уметности, наречено „Гитара, дирки и свирки“, што за деца од семејства изложени на социјален ризик ќе обезбеди шанса да ги развиваат своите таленти.

„Општествената одговорност е наша стратешка определба, а поттикнувањето и реализирањето на вакви проекти кои се во интерес на пошироката заедница е она кон што постојано се стремиме. Со задоволство се вклучивме во реализацијата на оваа иницијатива на „Проект среќа“ која ќе им овозможи на децата од семејства изложени на социјален ризик да добијат еднакви можности за развивање на својот креативен потенцијал и афинитети.

Се разбира, ова немаше да биде возможно без големиот број пријатели на „Тиквеш“ кои го посетија годинешниот Фестивал на младо вино и со кои заеднички се вклучивме во оваа акција за донирање средства на оние на кои тоа им е најпотребно“, истакна Елена Младеновска Јеленковиќ, менаџер за комуникации во ВВ „Тиквеш“.

Здружението „Проект среќа“ обединува голем број граѓани, ентузијасти, филантропи и луѓе активни во хуманитарната работа.

Основната мисија на здружението и на неговите членови е осмислување и реализација на проекти кои ќе придонесат за позитивни промени во општеството и ќе влијаат на унапредување на квалитетот на животот на луѓето, особено во загрозените и социјално ранливите категории.

„Донираните средства од годинешниот Фестивал на младо вино во „Тиквеш“ ќе бидат искористени за опремување на просторија за музика, набавка на музички инстументи, набавка на прибори за сликање, за организација на разни креативни работилници, како и за ангажирање на наставници во училиштето, кое очекуваме да почне со работа веќе во март следната година.

Се надеваме дека примерот на „Тиквеш“ ќе го следат и други општествено одговорни компании, со што навремено ќе ги собереме сите неопходни средства за училиштето кое ќе им овозможи на децата од семејства со ограничени финансиски можности кои имаат љубов кон музиката, уметноста и другите креативни вештини да посетуваат редовни часови, да се едуцираат и надоградуваат во овие сегменти, без каков било надомест“, изјави Кристина Арнаудова, основач и претседател на „Проект среќа“.

Винарската визба „Тиквеш“ е општествено одговорна компанија, која преку бројни проекти и донации постојано вложува во заедницата на која ѝ припаѓа. Компанијата во континуитет обезбедува поддршка за реализација на хуманитарни активности од различен карактер, на значајни културно – уметнички манифестации, институции, настани и проекти.


 

emagazin

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close