Студено утро- Берово минус 9, во Битола, Струмица и Скопје минус 8 степени

Претпладне ќе биде сончево со мала до умерена облачност. Попладне и кон крајот на денот облачноста ќе се зголеми и ќе има услови за слаб локален снег. Ќе дува слаб до умерен ветер од северен правец.

Утрово најстудено беше во Берово минус 9, во Битола, Струмица и Скопје минус 8 степени, Прилеп, Штип, Тетово и Велес минус 7 степени,

Под влијание на студена воздушна маса во среда ќе дува засилен до силен северен ветер што ќе услови и дневната температура на повеќе места да остане под нула. Во четврток ќе дува умерен до засилен северен ветер, а во петок ветерот ќе го смени правецот во јужен и ќе има услови за слаб дожд и снег на планините. За време на викендот ќе биде претежно сончево со пораст на температурата.