Петок, 11 февруари, субвенции за лозарите! Празнично пред Свети Трифун!
Исплатата на субвенциите за лозови насади е околу 10 милиони евра
Министерот Љупчо Николовски за петок 11 февруари најави исплата на субвенциите за лозови насади – околу 10 милиони евра и додаде дека исплатата на поддршката продолжува. За исплата на субвенциите пред празникот на лозарите Свети Трифун претходно потврди и директорот на Платежната агенција Никица Бачовски. Исплатата ќе започне во петок и ќе продолжи и во понеделик 14 фавруари.
-До пред три – четири години во месни комитети се правеа списоци кој и кога ќе добие субвенции. Тоа беше најголмиот проблем. Сега постапката е многу транспарентна и исплатата е редовна, неселективна. Верувам дека ќе ставиме крај на етикетирањата, поделбите, партизациите и политизациите во земјоделството. Никој не смее да ги дели земјоделците по ниту една основа и да прави политички поени на нив. Потребни се транспарентност, отвореност, работа, труд, разговори, лобирања, изнаоѓање финансиски средства. Верувам дека овој 2,5 годишен период кога нема да има избори, ќе го искористиме за носење европски, модерни мерки и политики кои ќе го зајакнат производството, потенцира Николовски.
