fbpx
Агро бизнисБез категоријаВестиМакедонијаТоп вести

Тутунарите очекуваат повисоки откупни цени, склучени повеќе договори од лани

На тутунарите сè уште не им се исплатени субвенциите.

Тутунарите очекуваат повисока цена на тутунот поради зголемените цени на репроматеријалите за производство, ѓубривата, горивата… За годинашната реколта со 10 компании, кои се регистрирани за откуп договорени се вкупно 25.390.000 килограми тутун. Од Сојузот на земјоделските здруженија на Македонија очекуваат да биде откупен целиот договорен род на кои откупувачите законски се обврзани. Оттаму се надеваат дека годинава нема да имаат проблем со проценката и ниските цени по класи.

Директорот на Државниот инспекторат за земјоделство, Зоран Шапуриќ, за ВЕЧЕР информираше дека годинава со 10 компании договорени се вкупно 25.390.000 килограми тутун. Од нив 383.168 килограми од типот „јака“ и 25.011.350 килограми од типот „Прилеп“. Со откупните компании заклучени се вкупно 28.989  договори. Вкупна површина на земјиште засеано  со тутун е 13.050 хектари.

Од Сојузот на земјоделските здруженија на Македонија годинава со оглед на зголемените трошоци очекуваат и повисока откупна цена на тутунот, кој лани се откупуваше по просечна цена од 190 денари за килограм.

-Во тек е расадувањето, во зависност од временските услови ќе видиме колкаво ќе биде производството и каков ќе биде квалитетот на тутунот. За оваа година договорени се 25 милиони тони тутун, но ќе видиме дали ќе се произведе толку. Лани беа договорени 22 милиони и 400 илјади тони, а беа произведени 18 милиони и 700 илјади тони, а разликата се надополни со прекланскиот тутун. Тутунарите не сакаат да садат по истите цени и сакаат да го намалат производството. Годинава очекуваме повисока откупна цена, а доколку остане ланската цена нема да го предаваме тутунот, изјави за ВЕЧЕР претседателот на Сојузот, Менде Стомнароски.

Лани производството на тутун беше преполовено, а откупната цена не ги покриваше ниту трошоците за производство.

-Просечната цена од 190 денари не може да ги покрие ниту трошоците поради зголемените цени на репроматеријалите за производство, ѓубривата, горивата. Затоа е битно, сите заедно да дејствуваме за оваа реколта да се зголемат цените по класи, изјави Стомнароски.

Тутунарите се пожалија и дека сè уште не им се исплатени субвенциите.

 

 

Тагови

Слични написи

Back to top button
Close